اک آس میری مولا پوری تے کدی ہو وے
میراں دی صدا دیواں میراں دی گلی ہو وے
میراں تیری محفل چوں خالی نہ کوئی جاوے
جو آیا اے ہر اک دی آج جھولی بھری ہو وے
اوہدی شان تے عظمت دا کی پچھدا ایں میرے توں
گن گاوندا اے میراں دے بھاویں کوئی ولی ہو وے
اک وار جے دیکھ لواں بغداد دے والی نوں
چاچا نواں نوں چڑھ جاون قسمت وی کھری ہو وے
میراں تیرے بو ہے توں جاواں تے کتھے جاواں
گھر غیر دا تاں ویکھاں تیرے گھر جے کمی ہو دے
بندہ ہاں میں مولا دا منگتا ہاں میں میراں دا
سوہنے دا میں امتی ہاں مینوں کیوں نہ خوشی ہو وے
بغداد دیا شاہا پا جایا کریں پھیرا
جتھے وی تیری محفل یا میراں سجی ہو وے
اس گھر چہ بلاواں دا کدی پیر نہیں پے سکدا
رکھوالا جیہدے گھر دا خود غوث جلی ہو وے
ہتھ جوڑ نیازی میں میراں نوں کراں عرضاں
منگتا تیری چوکھٹ دا دنیا دا سخی ہو وے
شاعر کا نام :- عبدالستار نیازی
کتاب کا نام :- کلیات نیازی