عمر تیری قسمت دی گلزار مہکی ابر رحمتاں دا وسایا نبی نیں
میں تیرے نصیباں توں قربان جاواں مینوں کول اپنے سلایا نبی نیں
گھروں ٹریا مارن خدائی دا سلطاں اودھر ہوئی نظر نبوت مہریہ
عمر ڈگ پیا جا کے قدماں چہ جس دم کسی پھڑ اپنے سینے تھیں لایا نبی نیں
اوہ سوہنے دے دربار داد دیکھو منظر نبی دیاں قدماں چہ پئی ہوئی اے چوہدر
عمر نے عمر کر دتی سی نچھاور جدوں اپنا جلوہ دکھایا نبی نیں
عمر نے عمر جد نبی ناویں لائی پئی فرشاں عرشاں تے اوہدی دھائی
سی جھولی چہ پے گئی خدا دی خدائی دیکھو شان کیسا ودھایا نبی نیں
تینوں منگیا رب توں میں کر کر دعاواں تیرے سر تے رہن کرم دیاں چھاواں
جیہڑا تیرا ویری اوہ ویری اے میرا عمر نوں بلا کے سنایا نبی نیں
اوہ عالم اوہ عادل اوہ حاکم نرالا اوہدے اتے راضی ہو یا کملی والا
جنہاں پھیری سوہنے دے ناں دی اے مالا کرم اونہاں اتے کمایا نبی نیں
اہمہ ویلے دے حاکم دیاں ہین باتاں سدا پہرہ دیندیاں لنگھیاں سی راتاں
سی خوف خدا دل دے اندر سمایا ایویں تے نئیں حاکم بنایا نبی نیں
عمر دی عدالت توں قربان جاواں آ انصاف را تینوں پہلو دکھاواں
جے پتر وی آیا تے نئیں معاف کیتا ایسا جام حق دا پلایا نبی نیں
میں اوہدے کرم دے سناواں کی حالے جیہدے نور دے ہین ہر سو اجالے
نیازی دو عالم کے رحمت نبی دی دو عالم دا بیڑا ترایا نبی نیں
شاعر کا نام :- عبدالستار نیازی
کتاب کا نام :- کلیات نیازی