کر کرم بیڑے تراون والیا
ستے بختاں نوں جگاون والیا
خیر ہو وے تیری تیری آل دی
قادری رنگت چڑھاون والیا
دور کر دے مشکلاں سب میریاں
غوث خوشاں دا کہاون والیا
المدد یا غوث اعظم دست گیر
اک نظر بگڑی بناون والیا
تیرا ہو کے کیوں پھراں بے حال میں
ڈگے ڈٹھیاں نوں اٹھاون والیا
بخت تیرے جاگدے رکھے خدا
غوث دی محفل سجاون والیا
میری قسمت ہی بدل دے سوہنیاں
قطب چوراں نوں بناون والیا
تینوں آوے نہ نیازی غم کوئی
مدح میراں دی سناون والیا
شاعر کا نام :- عبدالستار نیازی
کتاب کا نام :- کلیات نیازی