میرے سوہنے سخی لج پال داتا
کدی پچھ لے میرا وی حال داتا
رہوے وسدا سخی دربار تیرا
میں منگتے نوں نہ دیویں ٹال داتا
تیری من دا اے تیرا کملی والا
میرے سر توں بلاواں ٹال داتا
بھرے بھنڈار رکھیں منگیاں دے
تیرے منگتے رہن خوشحال داتا
تیرے در توں کوئی خالی نہیں مڑیا
میری آساں دے دیوے بال داتا
اوہناں دے روگ مک جاندے نیں سارے
توں ہندا ایں جنہاں دے نال داتا
تیری نظر کرم کافی اے مینوں
میں کیہ کرنا ایں جگ دا مال داتا
مراداں نال بھر دے میرا دامن
تیرے گھر وچ نہیں کوئی کال داتا
کرم ایناں نیازی تے وی کر دے
مدینے جاواں میں ہر سال داتا
شاعر کا نام :- عبدالستار نیازی
کتاب کا نام :- کلیات نیازی