کراں ہر دم دعاواں شاہ جیلاں
تیرے روضے تے آواں شاہ جیلاں
میں منگتے دا بھریں نہ جے توں کاسہ
میں کہڑے در تے جاواں شاہ جیلاں
کدی آ جاویں جے خواباں چہ میرے
میں صدقے صدقے جاواں شاہ جیلاں
ملی عزت تیری نسبت دا صدقہ
میں تیرے گیت گاواں شاہ جیلاں
میرا تے ہے ایہو ای شوق ازلوں
تیری محفل سجاواں شاہ جیلاں
میں ہر دم کردا رہناں میراں میراں
تیرا چنگا اے ناواں شاہ جیلاں
نیازی جاواں کیوں غیراں دے در تے
تیرے در دا گدا واں شاہ جیلاں
شاعر کا نام :- عبدالستار نیازی
کتاب کا نام :- کلیات نیازی