مرے دل کو لگی ہے تمھاری لگن یا خواجہ معین الدین چشتی
کہلاتا ہوں آپ کا شاہ زمن یا خواجہ معین الدین چشتی
وہی سر ہے کہ سودا ہو جس میں بھرا وہی دل ہے جو ہو کے تمہارا رہا
وہی آنکھ جو دیکھے تمہارا چمن یا خواجہ معین الدین چشتی
نہیں چین مجھے آتا اکدم ترے ہجر میں اے چشتی لقبی
کب تک میں پھروں مارا بن بن یا خواجہ معین الدین چشتی
تپ ہجر ہی جانے درد جگر نہ دو اہی کرے کوئی اپنا اثر
جلا آتش عشق میں سب تن من یا خواجہ معین الدین چشتی
وہ مئے مجھے دیجئے بیدم ہوں تم مجھے میں ملو میں تم میں ملوں
اور بول اٹھے ہر عضو بدن یا خواجہ معین چشتی
شاعر کا نام :- بیدم شاہ وارثی
کتاب کا نام :- کلام بیدم