نبی کا رازداں مولا علی ہے
امامِ عابداں مولا علی ہے
محمد، فاطمہ شبیر و شبر
کساء میں پانچواں مولا علی ہے
ہمیں کیا گرمیٔ محشر کا دھڑکا
ہمارا سائباں مولا علی ہے
جو بیت اللہ سے ظاہر ہوا تھا
وہی کنجِ عیاں مولا علی ہے
بیاں ہو رفعتِ مولا علی کیا
زمیں پر آسماں مولا علی ہے
رہیں گے رنج و غم بھی فاصلے پر
اگر وردِ زباں مولا علی ہے
جری ایسا کہ دشمن کانپ جائے
شجاعت کا جہاں مولا علی ہے
شاعر کا نام :- اشفاق احمد غوری
کتاب کا نام :- انگبین ِ ثنا