عاشقانِ مصطفٰےؐ سب مل کے ایسا کیجئے
مدحتِ ممدوحِ یزداں کو وظیفہ کیجئے
آپؐ کے اسم گرامی کی جہاں میں دھوم ہو
آپؐ ہی کے ذکر کا ہر گھر میں چرچا کیجئے
ٹھوکریں کھاتے پھروگے اُن کا دامن چھوڑ کر
راحتِ جاں کے لئے اُن کو مسیحا کیجئے
بارگاہِ ایزدی میں پائو گے اونچا مقام
آپؐ کے بس نامِ نامی کو وسیلہ کیجئے
رحمتِ کونین کا ہے بحرِ رحمت جوش پر
آگے بڑھ کے ‘ عاصیو ! عرضِ تمنا کیجئے
شاعر کا نام :- حافظ عبدالجلیل
کتاب کا نام :- مہکار مدینے کی