راحتِ قلبِ حزیں اسمِ گرامی آپؐ کا
ہے غلاموں کا وظیفہ نامِ نامی آپؐ کا
آپؐ کی توصیف ہو انسان پر موقوف کیوں
ذکر میں رطب لّلساں عالم تمامی آپؐ کا
آپؐ ہیں ممدوحِ یزداں ‘ کون ہے ثانی بھلا
ہر زباں پر ہے رواں ذکرِ مدامی آپ ‘ کا
میں بھلا کیا آپ ‘ کی تعریف میں کچھ لکھ سکوں
لکھ رہے ہیں جب قصیدہ شرف و جامی آپؐ کا
اِس جلیلِ بے نوا پر بھی کرم کی ہو نظر
اس کی گردن میں بھی ہے طوقِ غلامی آپؐ کا
شاعر کا نام :- حافظ عبدالجلیل
کتاب کا نام :- مہکار مدینے کی