چا چڑھیا سارے عالم نوں ، سرکار دی آمد ہو گئی اے
ہر پاسے چانن ہو گیا اے ، انوار دی آمد ہو گئی اے
خوشیاں نے پھیرا پایا اے ، ہن نواں سویرا آیا اے
ہن غم کتھے رہ جانے نے، غمخوار دی آمد ہو گئی اے
رب پاک کرم فرماوے گا ، دو منگناں ایں مل جاوے گا
آج مک گئی ہر مجبوری اے، مختار دی آمد ہو گئی اے
محفل تے مستی چھا گئی اے ، وا ٹھنڈی ٹھنڈی آگئی اے
دل والیو دل نوں سانبھ لوو ، دلدار دی آمد ہو گئی اے
گل وچ پا طوق غلامی دا ، کرو پورا فرض سلامی دا
اے محفل والیو نبیاں دے ، سردار دی آمد ہو گئی اے
جس ورگا ماں نے جنیاں نہیں ، جس ورگا دوجا بنیاں نہیں
بے مل خُدا دے اُس سوہنے ، شہکار دی آمد ہو گئی اے
سرکار دے ناں دا صدقہ اے ، دلدار دے ناں دا صدقہ اے
ہن نعتاں لکھدا جا صائم ، اشعار دی آمد ہو گئی اے
شاعر کا نام :- علامہ صائم چشتی
کتاب کا نام :- کلیات صائم چشتی