جس دا پاک محمد نام، اُس تے لکھ درود سلام
عربی ماہی رب دا پیارا، کملی والا نوری تارا
کُفر ہنیرا مکیا سارا ، اُس دا وجا جد لشكارا
ملیا جس نوں پاک کلام ، اُس تے لکھ درُود سلام
پاک قرآن لیاون والا ، سدھا راہ دکھلاون والا
ماڑیاں نوں گل لاون والا ، بد و تخت بٹھاون والا
ختم نے جس نے سب اکرام ، اُس تے لکھ درُود سلام
پاکیزہ منشور ہے اوہدا ، لافانی دستور ہے اوہدا
حسن کرم مشہور ہے اوہدا ، ہر سو کھنڈیا نور ہے اوہدا
اُس دا سچا پاک نظام ، اُس تے لکھ درُود سلام
اُس دیاں سُورج وچ شُعاواں ، اُس دا حسن اے وچ فضاواں
اُس دی مہک اے وچ ہواوں ، اُس دے نور تھیں روشن تھاواں
نبی وی اُس نوں کرن سلام ، اُس تے ہوون لکھ سلام
ہر اک اکھ نوں نور ملے گا ، ہر اک پُھل مسرُور ملے گا
ہر ذرے توں طور ملے گا ، اوہدا جد دستور ملے گا
روشن ہو سی جگ تمام ، اُس تے صائم لکھ سلام
شاعر کا نام :- علامہ صائم چشتی
کتاب کا نام :- کلیات صائم چشتی