غماں نے بولیا آکے ہے دھاوا یا رسول اللہ
میرا دل ہو گیا رو رو کے پھاوا یا رسول اللہ
چلے چلے ہاں روندے تڑفدے دربار تیرے چوں
کدوں ہووے گا ہن مُڑ کے بُلاوا یا رسول اللہ
کدوں مُکے گی کالی رات ہن مُڑ کے جدائیاں دی
کدوں ویکھاں گے مُڑ گنبد ایہہ ساوا یا رسول اللہ
سلام الوداعی کہندیاں پھٹ دا اے دل میرا
سنبھالاں کس طراں ہنجواں دا لاوا یا رسول اللہ
تیرے بردے ملگ حُوراں تیرے عاشق نبی سارے
کراں کیویں غُلامی دا میں دعوی یا رسول اللہ
تری امت دا اک مجرم وی دوزخ وچہ نئیں رہ سکناں
تیری رحمت نے جد بھریا کلاوه یا رسول الله
سُنے گا کون دُکھ صائم دے تیرے باہجھ محبوبا
کرے گا کون بن تیرے مداوا یا رسول الله
شاعر کا نام :- علامہ صائم چشتی
کتاب کا نام :- کلیات صائم چشتی