نبیاں دے تاجدار تے سُلطان آگئے
قرآن لے کے صاحب قرآن آگئے
رب دے کرم تھیں مل گئی ہر شے نوں زندگی
دُنیا تے سب جہان دی جد جان آگئے
یارو سجا کے بیٹھے آں جہناں دی بزم نوں
ساڈے تے دیکھو رحم اوہ فرمان آگئے
آج جاگ پینے اوہناں دے ستے ہوئے نصیب
سوہنے توں جہیڑے ہون آج قُربان آگئے
آج آمنہ دی گود وِچ سُلطانِ دو جہاں
کنڈھے تے غم دے ماریاں نوں لان آگئے
جبریل پڑھدے سرور کونین تے درود
مخوشیاں دا جھنڈا کعبے تے لہران آگئے
حُوراں نے حجرہ آمنہ مائی دا چُمدیاں
بن کے فرشتے آپ دے دربان آگئے
ویہڑا حلیمہ دائی دا بھریا اے نُور تھیں
گھر جس دے رب دے نُور دے عنوان آگئے
خوشیاں دے نال جھولیاں صائم کھلار لئو
سرکار دیکھو رحمتاں ورتان آگئے
شاعر کا نام :- علامہ صائم چشتی
کتاب کا نام :- کلیات صائم چشتی