دو جگ تائیں آن وسایا کملی والے نے
ایہہ دُنیا دا باغ سجایا کملی والے نے
کملی والے دی محفل وچ اوہ آئے عشاق
جیہناں نوں ہے آپ بلایا کملی والے نے
مدنی آقا توں میں رب نوں سمجھاں کویں جدا
بندیاں تائیں رب ملایا کملی والے نے
روشنیاں تے ایہہ خوشبواں دس رہیاں نے صاف
ساڈے گھر وچ پھیرا پایا کملی والے نے
کرم آہدے دی ہور کی دیواں اس توں ودھ مثال
ساڈے ورگیاں نوں گل لایا کملی والے نے
ٹھیڈے کھاون والیاں تائیں دتا تخت بٹھا
ڈگیاں تائیں آپ اُٹھایا کملی والے نے
دُنیا دے وچ جنت دتی اوہدے ناویں لا
جس نوں روضہ پاک دکھایا کملی والے نے
میرے کول ہنیرے صائم کدی نہیں سکد ہے آ
میرے دل وچ چانن لایا کملی والے نے
شاعر کا نام :- علامہ صائم چشتی
کتاب کا نام :- کلیات صائم چشتی