شان اُچا اے جنابِ آمنہ دے لال دا
پیدا نہیں کیتا خُدا نے ہور اوہدے نال دا
کر وظیفہ مصطفے دے نام دا مشکل دے وِچ
مصطفیٰ دا نام سبھناں مشکلاں نوں ٹال دا
لوڑ اپنا حال دسن دی کدی پیندی نہیں
حاضر و ناظر نبی واقف اے میرے حال دا
مصطفی دی جے شفاعت حشر وچ ایں چاہوندا
سچے دل تھیں بن جا خادم مصطفیٰ دی آل دا
دیکھنی جنت تے آجا محفل میلاد وچ
کیوں پھریں گستاخیاں دی آگ تھاں تھاں بال دا
عرش کُرسی ، چن تارے سب خزانے خلق دے
مل نہیں میرے نبی دی زُلف دے اِک وال دا
میں مدینے پاک دے ہاں ٹکڑیاں تے پل رہیا
مینوں میرا کملی والا ممصطفے اے پال دا
جو نبی دے شہر تے رکھدا اے نظراں بھیڑیاں
رب اوہنوں کون وانگوں کھور دا تے گال دا
سُنیاں نوں خوف کاہدا قبر دا تے حشر دا
کملی والا سوہنا راکھا آپ اپنے مال دا
کر تصور مصطفے دا جے خُدا نوں دیکھنا
ہے اوہ تیرے کول جس نوں توں ہیں پھر دا بھال دا
روشنی دن نوں ملی اوہدی جبیں دے نُور توں
رات صائم عکس ہے میرے نبی دے خال دا
شاعر کا نام :- علامہ صائم چشتی
کتاب کا نام :- کلیات صائم چشتی