زمانہ موہ لیا تیرے اُصولاں یا رسول اللہ
گواہی تیری دتی سب رسولاں یا رسول اللہ
میرے سینے دے اندر رڑکدے کنڈے جُدائیاں دے
میرے رہواں دیوچ وچھیاں نے سُولاں یا رسول اللہ
نزع دے وقت ہے کہ آپ دا دیدار ہو جاوے
میں ایسی موت نوں ہس کے قبولاں یا رسول اللہ
خُدا نے خود تُساں تائیں سکھایا اے پڑھایا اے
کدوں جاندے نے اُمّی وچ سکولاں یا رسول اللہ
تساں نوں نور منیاں پاک نظراں والیاں سبھناں
تے اپنے ورگا کہہ دتا جہولاں یارسول اللہ
صبا پیغام صائم دے جے ناں لے آوے آقا دا
ودھا کے ہتھ ہنجواں دے وصولاں یارسول اللہ
شاعر کا نام :- علامہ صائم چشتی
کتاب کا نام :- کلیات صائم چشتی