ہر ویلے ہووے خیر تری سوہنے دی خیر منائی جا
غم جہڑا راہ وچہ مل جاوے ہس ہس کے سینے لائی جا
ہر ویلہ تیرا ہو جاسی ایہہ شام سویرا ہو جاسی
اکھیاں دے دیوے بالی جا ہنجواں دا تیل جلائی جا
جے لگ گئی او لگ اک پاسے یار اک پاسے جگ اک پاسے
جگ نال کسے دے نئیں نبھیا توں اپنی توڑ نبھائی جا
بِن مرشد ککّھوں ہولا اے مرشد دے ولّے مولا اے
جگ جھلّا اے جگ رولا اے اینویں نہ رولا پائی جا
عملاں دا حساب نہ ہووے گا کوئی وی عذاب نہ ہووے گا
میری قبر تے ٹھہر کے دلدارا قدماں دی ٹھوکر لائی جا
منگی جا دعائیں ملن دیاں منظوری کدی تاں ہووے گی
سوہنے نوں ظہوریؔ رو رو کے تو دل دا درد سنائی جا
شاعر کا نام :- محمد علی ظہوری
کتاب کا نام :- کِتھے تیری ثناء