جدوں عشق حقیقی لگ جاوے فیر توڑ نبھاؤنا پیندا اے
ساری دنیا نوں چھڈ کے تے مولا ول آؤنا پیندا اے
ہر کوئی انج تے پڑھدا اے قرآن سپاے رات دِنے
اک ایسی منزل آؤندی اے نیزے تے سناؤنا پیندا اے
لکھاں قربانی دیندے نے رب راضی ہوجائے ساڈے تے
کدی رب نوں راضی کرن لئی بچیاں نوں کہاؤنا پیندا اے
کدی ایہہ ویلا وی اوندا اے اس راہ دے سچے عاشق تے
جدوں یار کسے دا رُس جاوے نچ نچ کے مناؤنا پیندا اے
خود خالق دسیا خلقت نوں انج لا کے توڑ نبھائی دی
جدوں ہجر ستاوے سوہنے نوں عرشاں تے بلاؤنا پیندا اے
میں اینویں ظہوریؔ بولدا نئیں ہر اگے دکھڑا پھولدا نئیں
کوئی دل دا محرم مل جاوے مڑ درد سناؤنا پیندا اے
شاعر کا نام :- محمد علی ظہوری
کتاب کا نام :- کِتھے تیری ثناء