کم نصیبوں کو ملے نوری سہارا یا نبیؐ
حشر میں گر ساتھ مل جائے تمہارا یا نبیؐ
آپؐ کی ہر ہر ادا دلکش ، دل آرا یا نبیؐ
ہو گیا ہے نور دل کا ہر دُوارا یا نبیؐ
ناز کرنے کو عطا ہو یہ حوالہ بھی حضورؐ
اک جھلک مجھ کو عطا کردو خدارا یا نبیؐ
گمرہوں نے راہ پائی، راہیوں نے منزلیں
تیرگی میں آپؐ سے چمکا ستارا یا نبیؐ
ٹل گئیں آفات ساری، مشکلیں حل ہو گئیں
صدقِ دل سے آپؐ کو جب بھی پکارا یا نبیؐ
میری قسمت کا ستارا آپؐ ہی کے ہاتھ ہے
بات بن جائے اگر کر دو اشارہ یا نبیؐ
شاعر کا نام :- اشفاق احمد غوری
کتاب کا نام :- صراط ِ نُور