میں کردا ہاں سدا ایہہ التجاواں یا رسول الله
ترے دربار تے جا کے ناں آواں یا رسول اللہ
گئے سُکھ چین سب میرے غماں نے پالئے گھیرے
میں کِس نوں دُکھ سوا تیرے سُناواں یا رسول اللہ
تڑفدی جان میری اے چڑھی غم دی ہنیری اے
تے گھیرا پا لیا لکھاں بلاواں یا رسول اللہ
ناں نغم وچ رول محبوبا توں آ وس کول محبوبا
میں پلکاں تیرے راہ اندر وچھاواں یا رسول اللہ
تیرے دربار تے جا کے کدوں ویکھاں گا جی لا کے
اوہ چھاواں ٹھنڈیاں دلکش فضاواں یارسول اللہ
بس ایہو التجاواں نے تے بس ایہو دعاواں نے
میں ڈِٹھیاں باہجھ تینوں مر ناں جاواں یا رسول اللہ
خدارا رحم فرماؤ تے صائم نُوں وی بلواؤ
ترانے میں تِرے دن رات گاواں یا رسول اللہ
شاعر کا نام :- علامہ صائم چشتی
کتاب کا نام :- کلیات صائم چشتی