میرے ولے وی ہُن موڑو مہاراں یا رسول اللہ
میرے گھر وچ وی آجاون بہاراں یا رسول الله
بچاؤ آن کے مینوں علی دے لال دے صدقے
چڑھے طوفان نے لکھاں ہزاراں یا رسول اللہ
جتھے رو رو کے اُمت دے تُساں نے عیب سی دھوتے
وکھا دیناں کدی مینوں اوہ غاراں یا رسول اللہ
کدوں تیکر مرے محبوب رکھنا دور قدماں توں
کدوں تک تڑفنا ایں دل فِگاراں یا رسول اللہ
تُساڈے ذکر دیاں ہُن تُساڈی یاد دے اندر
مرا دل چھیڑ کے بیٹھا اے تاراں یا رسول الله
سہارا ہور صائم دا نہیں تیرے سوا کوئی
میں دامن ہور کس در تے کھلاراں یا رسول اللہ
شاعر کا نام :- علامہ صائم چشتی
کتاب کا نام :- کلیات صائم چشتی