میں راہ اوہدے وچ رُل دا ہاں محبوب پیارا نہیں آیا
نئیں آیا راہی عرشاں دا اکھیاں دا تارا نہیں آیا
مَیں سِکدا سِکدا مر چلیاں اکوار ہی سوہنا سد لیندا
کئی جامی ورگے روندے نے پیغام دوبارا نہیں آیا
درداں نے پایا گھیرا اے آ غماں نے ڈیرا لایا اے
دُکھ دُونے چَونے ہو گئے نے دُکھیاں دا سہارا نئیں آیا
میں دل دا تخت سجایا سی اج پُھل برسا کے ہنجواں دے
جس تخت تے آکے بہنا سی اوہ راج دُلارا نئیں آیا
اس در توں صائم ہر ویلے ہر منگتا ہر شے پَوندا اے
تینوں اُس توں منگن دا ڈھنگ برخوردارا نئیں آیا
شاعر کا نام :- علامہ صائم چشتی
کتاب کا نام :- کلیات صائم چشتی