میں رات خُوشیاں دی سوہنی سہانی روک لواں
سُنے ناں یار تے غم دی کہانی روک لواں
رُکے جے خواب چہ آ کے حبیب دو گھڑیاں
میں جان دے کے وی دل دا اوہ جانی روک لواں
ایہ تحفہ یار دی دتا اے یاد نے مینوں
بھلا میں ہنجواں دی کیویں روانی روک لواں
جے غم ہے آؤندا دُوجا تے اک چلا جاندا
کیویں میں یار دی ہر اک نشانی روک لواں
ہے ایہو دل دی تمنا کہ میں وی دو گھڑیاں
نگاه ناز دی جلوه فشانی روک لواں
بڑھاپا آیا اے صائم تے آوے سو واری
دعا ہے ایہو کہ غم دی جوانی روک لواں
شاعر کا نام :- علامہ صائم چشتی
کتاب کا نام :- کلیات صائم چشتی