دلاں دے درد دا دارو ہوا مدینے دی
کراوے سب نوں زیارت خُدا مدینے دی
کی حال پچھدے او میرے توں میرے روؤن دا
ہے یاد آپے ای دیندی روا مدینے دی
سراپا خلد ہے طیبہ دا ہر گلی کوچہ
تے خاک ساری اے خاک شفا مدینے دی
میں تیرے راہواں توں اپنی حیاتی وار دیاں
خبر سناویں جے آکے صبا مدینے دی
کی ذکر ایتھے گداواں تے بادشاہواں دا
خُدا دی ساری خُدائی گدا مدینے دی
مدینے پاک چوں عرشاں نوں نور جاندا اے
ہنیرے دل دا سہارا ضیا مدینے دی
نہ چاہواں دُنیا نہ جنت دی ہے طلب صائم
ہے میرے لب تے ہمیشہ دعا مدینے دی
شاعر کا نام :- علامہ صائم چشتی
کتاب کا نام :- کلیات صائم چشتی