جس دن دیاں اکھیاں لگیاں نے اُس دن دیاں اکھیاں کھلیاں نے
اک یاد سجن دی رہ گئی اے ہن سبھے گلا بُھلیاں نے
میرا یوسف شاہ اسوار کدوں رب جانے پھیرا پاوے گا
اساں سنت سمجھ زلیخا دی وچہ راہ دے پائیاں کُلیاں نے
اک تاہنگ سی یار دے ملنے دی جہنے مردیاں مردیاں روک لیا
کئی وار طوفاناں گھیریا اے کئی وار ہنیریاں جُھلیاں نے
خورے کی چڑھ کے سُولی تے منصوری کہہ گیا دنیا نوں
اُس دن تون دار دی تکڑی وچہ کئی لکھاں جاناں تُلیاں نے
میں کُھل کے جس دن رویا ساں سر رکھ کے یار دے قدماں تے
بس میری کُل حیاتی وچہ اوہ دو گھڑیاں ان ملیاں نے
اوہ صائم تڑفن ہر ویلے جو یار دی نظرے نئیں چڑھیاں
جو یار دی نظرے چڑھ گئیاں اوہ پھیر ناں ہلیاں جُلیاں نے
شاعر کا نام :- علامہ صائم چشتی
کتاب کا نام :- کلیات صائم چشتی