میرے محبوب آئے رحمتاں بہار ہو گیّاں
غماں دے بحر چوں اَج بیڑیاں سب پار ہو گیّاں
جھے اجڑ چراندا سی میرا آقا حلیماں دے
اوہ جنگلی بیریاں اوہ جھاڑیاں گلزار ہو گیّاں
اوہ تھاواں جتھے تیری ریت سی تے سڑدے پتھر سی
میرے آقا دی برکت نال جنّت زار ہو گیّاں
جے تھاں تلوار دی شاخاں مرے آقا نے دے چھڈیاں
اوہ شاخاں چمکیاں تے صورت تلوار ہو گیّاں
ہنیرے وچ پھڑا دتیاں جے چھڑیاں میرے آقا نے
اوہ بنیاں مشعلاں تے مطلع انوار ہو گیّاں
جہناں چیزاں نوں ہتھ لگے مرے محبوب سوہنے دے
اوہ بن گیاں تبرّک لائق دیدار ہو گیاں
جوڈر کے آپ توں صائم گھراں نوں چھڈ کے چلیاں سی
اوہ مائیاں آپ توں قربان ویہندے سار ہو گیّاں
شاعر کا نام :- علامہ صائم چشتی
کتاب کا نام :- کلیات صائم چشتی