سوہنا سوہنا پیر دا دِن ایں
ہسدا ہسدا پیر دا دن ایں
اَج نبیاں دا پیر سی آیا
دُھپیا دُھپیا پیر دا دن ایں
ٹھنڈ دلاں نوں پیندی جاوے
ٹھنڈا ٹھنڈا پیر دا دن ایں
اس دن وچ محبوب سی آیا
سب توں چنگا پیر دا دن ایں
جو منگو گے مل جاوے گا
فیض خزانہ پیر دا دن ایں
کیوں نئیں خیر خُدا توں منگدا
آج تے بھلیا پیر دا دن ایں
صائم اپنی موت دا دن وی
رب توں منگیا پیر دا دن ایں
شاعر کا نام :- علامہ صائم چشتی
کتاب کا نام :- کلیات صائم چشتی