بلاونا یار جے ویہڑے دُرود پڑھیا کر
مکاؤنے نِت دے جھیہڑے دُرود پڑھیا کر
خدا دی سُنت اے پڑھنا درود سوہنے تے
خدا دے ہونا جے نیڑے دُرود پڑھیا کر
کھلو گئے نے جے کم کار تیرے دُنیا دے
رڑھن گے آپ ای ریڑھے دُرود پڑھیا کر
درود و نعت دی محفل سجی رہوے جتھے
سدا اوہ وسدے نے کھیڑے دُرود پڑھیا کر
دُرودِ پاک دے پڑھیاں سلامتی مل دی
جے دشمن آن کے چھیڑے دُرود پڑھیا کر
رسول پاک دی رحمت اُنہاں تے ورھدی اے
درود پڑھدے نے جیڑے دُرود پڑھیا کر
درود پڑھنے تھیں صائم ثبات ملدا اے
جے لگدے رہندے اُکھیڑے دُرود پڑھیا کر
شاعر کا نام :- علامہ صائم چشتی
کتاب کا نام :- کلیات صائم چشتی