چُھری ہجر دی لوں لوں کٹیا اے
میرا پیار ذرا ناں گھٹیا اے
میں بے کس منزل ڈور دی اے
تیرے ہتھ وچ لج مجبور دی اے
بھاویں عشق نے تن من پھٹیا اے
میرا پیار ذرا ناں گھٹیا اے
ترے غم جیوندے نوں مار گئے
لا زور طبیب وی ہار گئے
دُکھ ودھ گئے روگ ناں ہٹیا اے
مرا پیار ذرا ناں گھٹیا اے
جند رُکی لباں تے میری اے
اوتھے دن نوں رات ہنیری اے
جتھے عشق تیرے نے سٹیا اے
میرا پیار ذرا ناں گھٹیا اے
دل ڈب گیا ہوشاں بُھلیاں نے
اکھاں دید تیری لئی کُھلیاں نے
ایہہ دنیا تے ایہو کھٹیا اے
میرا پیار ذراناں گھٹیا اے
لائیاں صائم جدوں پریتاں سی
سب یاد عشق دیاں ریتاں سی
اَکھیں ویکھ کے موہرا چٹیا اے
مرا پیار ذرا ناں گھٹیا اے
شاعر کا نام :- علامہ صائم چشتی
کتاب کا نام :- کلیات صائم چشتی