محبوب دا میلہ اے
محفل نوں سجائی رکھیو اوہدے آون دا ویلا اے
کُجھ ہار بنا رکھنا
موتی پنجواں دے پلکاں تے سجا رکھنا
مہکی نہیں فضا آپے
چُم کے زُلف اوہدی آئی اے ہوا جاپے
کم لَے لَے نگاہواں توں
صدقے توں کر نظراں محبوب دے راہواں توں
محفل نوں رنگ جاوے
اكوار جے اَج سوہنا ایتھوں دی لنگھ جاوے
کجھ ہور نہیں چاہی دا
مکھڑا وکھا دے ربا اَج مدنی ماہی
اَج رون دا مُل پانا
پَیر ہی پلکاں تے بھاویں رکھ کے گذر جانا
آج اکھیاں ناں لاؤنا
صائم جہدی محفل ہے اوہنے آپ وی آج اَونا
شاعر کا نام :- علامہ صائم چشتی
کتاب کا نام :- کلیات صائم چشتی