تیرے منگتے نے سب چنگے تے ماڑے یا رسول اللہ
خُدارا سُن لوؤ میرے وی ہاڑے یارسول اللہ
سہارا دے دیو دُنیا دے وچ وی بے سہارے نوں
تے رکھیو لاج محشر دے دیہاڑے یا رسول اللہ
بھڑکدی اگ رہندی اے سدا دل وچ جُدائیاں دی
کدوں مُکن گے ایہہ درداں دے ساڑے یارسول اللہ
کدی اقصیٰ دے وچ بارات ناں سج دی رسولاں دی
تسمیں جے اوسدے بَن دے ناں لاڑے یارسول اللہ
بہاراں لے کے آجاؤ کدی تے خواب دے اندر
خزاواں باغ آسماں دے اُجاڑے یا رسول اللہ
میں بے پَر ہاں تے میتھوں دُور ہے بستی مدینے دی
تُساں باہجھوں نئیں مل سکدے ایہہ پاڑے یا رسول اللہ
بتھیری صبر دی دولت لُکا کے سانبھ کے رکھاں
جُدائی مار دی رہندی اے دھاڑے یا رسول اللہ
ایہہ صائم دوش کی دیوے تیری رحمت نُوں یا آقا
میں اپنے کم آپے نے وگاڑے یارسول اللہ
شاعر کا نام :- علامہ صائم چشتی
کتاب کا نام :- کلیات صائم چشتی