نبیؐ کی محبت میں راحت بڑی ہے

نبیؐ کی محبت میں راحت بڑی ہے

محبت میں ایمان کی تازگی ہے

---

مجھے بھی غلاموں کی گنتی میں رکھنا

یہ بدکار بھی آپؐ کا اُمتی ہے

---

رسولِ مکرمؐ مری روح کب سے

ترےؐ سامنے دست بستہ کھڑی ہے

---

میں لکھتا ہوں نعتیں تو لگتا ہے ایسا

مرے سر پہ رحمت کی چادر تنی ہے

---

ثنائے محمدؐ ہے میرا عقیدہ

ثنائے محمدؐ مری نوکری ہے

---

محمدؐ کی اُلفت ہے ایمان میرا

محمدؐ کی چاہت مری زندگی ہے

---

چمک کہکشاں اور مہر و قمر کو

مدینے کے ذرات سے مِل رہی ہے

---

بڑا خوش مقدر ہے اشفاقؔ جس کی

زباں وقفِ صلِ علیٰ ہو گئی ہے