پہلوں رب نے نعت سنائی میرے کملی والے دی
فِر ہے سی تصویر بنائی میرے کملی والے دی
اپنے نُور دے جلوے سارے کر کے اِک تھاں اللہ نے
فیر تمام اُٹھان اُٹھائی میرے کملی والے دی
دیواراں نوں عکس نبی دا کر مُتجلٰے دیندا سی
جگ نے ویکھی نور صفائی میرے کملی والے دی
کملی والا ملک خُدا دی مالک اسد اللہ اے
ایہہ ہے ساری ملک خُدائی میرے کملی والے دی
وڈا بھائی آکھن والیا اینی گل تے دسی جا
ایہہ کِتھے تعریف ہے آئی میرے کملی والے دی
وحی یوحیٰ کہہ کے رب نے وِچ قُرآن مقدس دے
ہر گل اپنے ذمے لائی میرے کملی والے دی
رب توں رو رو کے بخشایا صائم اوہنے اُمت نوں
اس امت نے قدر کی پائی میرے کملی والے دی
شاعر کا نام :- علامہ صائم چشتی
کتاب کا نام :- کلیات صائم چشتی