جا رہے نیں گدا مدینے نوں
توں وی ٹُر پَو دِلا مدینے نُوں
اپنا سوہنا حبیب اللہ نے
کر ہے دتا عطا مدینے نوں
لا کے تلیاں حضور نے نوری
عرش دِتا بنا مدینے نوں
ایویں مہکی اے کد فضا ساری
چُم کے آئی ہوا مدینے نوں
لوک کعبے نوں تے پیا کعبہ
کر دا سجدے سدا مدینے نوں
ایویں تھاں تھاں تے کاہنوں پھردا ایں
چین لَیناں تے آ مدینے نوں
ودھ کے جنت توں کملی والے نے
دتا صائم سجا مدینے نوں
شاعر کا نام :- علامہ صائم چشتی
کتاب کا نام :- کلیات صائم چشتی