رب دے محبوب آ گئے ربّ دے دلدار آگئے
بن کے دو جگ دی رحمت مدنی سرکار آگئے
دُکھ سارے دُور ہو گئے خُوشیاں آگئیاں لاگے
مائی حلیمہ دیاں گلیاں دے بھاگ جاگے
اِجڑ چراون جس دے احمد مختار آگئے
بن کے دو جگ دی رحمت مدنی سرکار آگئے
سوہنے دے جشن مبارک گھر نے سجائے ساڈے
کنے نصیب اچھے رب نے بنائے ساڈے
محفل سجاؤن ساڈی دیکھو سرکار آگئے
بن کے دو جگ دی رحمت مدنی سرکار آگئے
سنیاں نوں ہووے میرے سوہنے دی یاد مبارک
نعتاں دی بزم مبارک جشن میلاد مبارک
دیکھن فرشتے ساڈے گلیاں بازار آگئے
بن کے دو جگ دی رحمت مدنی سرکار آگئے
رحمت دا دیکھ اُتارا عاصی اثیم ہس پئے
در یتیم آگئے سارے یتیم ہس پئے
سبھناں دے والی آگئے سب دے غمخوار آگئے
بن کے دو جگ دی رحمت مَدنی سرکار آگئے
اُچیاں نے شاناں ہویاں مکے دی خاک دیاں
گلیاں نے ہویاں روشن آمنہ پاک دیاں
حجرے وچ جس دے سارے رب دے انوار آگئے
بن کے دو جگ دی رحمت مدنی سرکار آگئے
محفل دے وچ جو صائم بارش انوار دی اے
لگدا اے آمد ایتھے ہو گئی سرکار دی اے
ساڈے اُتارن آقا دُکھاں دے بھار آگئے
بن کے دو جگ دی رحمت مدنی سرکار آگئے
شاعر کا نام :- علامہ صائم چشتی
کتاب کا نام :- کلیات صائم چشتی