اوہ بن گئے نے رُومی اوہ بن گئے نے جامی
جنہاں نوں مل گئی اے سرکار دی غلامی
لکھاں دُرود اُس تے لکھاں سلام اُس تے
جس شہنشہ نوں دتی نبیاں نے وی سلامی
اوہناں نوں جنّتاں وچ کھڑناں فرشتیاں نے
سرکار حشر دے دن ہوسن جنہاں دے حامی
سوہنے دی نعت سننی سوہنے دی نعت پڑھنی
ایہو اے خُوش نصیبی ایہو اے نیک نامی
گستاخ جو وی ہویا سُلطانِ انبیاء دا
قرآن وچ خُدا نے اُس نوں کہیا حرامی
پھولیں ناں عیب ساڈے اپنے کرم نوں دیکھیں
ویہندے سخی گدا دی سخیا کدوں نے خامی
ہر دم درود گھل دا الله نبی تے صائم
الله دی مصطفیٰ تے صلوات ہے دوامی
شاعر کا نام :- علامہ صائم چشتی
کتاب کا نام :- کلیات صائم چشتی