توں سلطان زمانے بھر دا میں بردے دا بردا
فکر عذاباں دے وچ بھلیا رستہ تیرے گھر دا
تیر ی نعت نوں غزل بنا ندا دل سی ڈاہڈا کردا
دسن والی گل نئیں کوئی کاسہ نئیں پیا بھر دا
ساڈی دھرتی نظر کرم دی ہے محتاج قدیمی
ساڈی فریاداں نوں مولا بخشو فیض اثر دا
جتھے نعت نبیؐ دی ہووے ‘ اوتھے اوس دا جلوہ
چھوٹی وڈی نعت نہ ہندی ‘ پیش کرو جو سردا
کنے لکھ کروڑ سوالی در تیرے تے آون
واصفؔ وی وسنیک کہاوے تیرے نور نگردا
شاعر کا نام :- واصف علی واصف
کتاب کا نام :- ذِکرِ حبیب