اُس کو کب ہو گل و گلزار عزیز
ہیں مَدینے کے جسے خار عزیز
ہو چمن تجھ کو مبارک بلبل
مجھ کو طیبہ کا ہے گلزار عزیز
اے طبیبو نہ کرو میرا علاج
مجھ کو ہے عشق کا آزار عزیز
بار بار آتے تھے سدرہ سے امیں
کہ ہے ان کو دَرِ سرکار عزیز
کیسی تقدیر کہ اللہ کو ہے
اُمت احمد مختار عزیز
نیچری رافضی و وہابی
سنیوں کو نہیں زِنْہار عزیز
یہ ہیں سب دشمن اللہ و رسول
کیسے رکھے انہیں دِیندار عزیز
اہلسنّت کو ہے جنت مرغوب
اور بدمذہبوں کو نار عزیز
حور کیا دیکھوں جمیلؔ رضوی
مجھ کو ہے شاہ کا دیدار عزیز
شاعر کا نام :- جمیل الرحمن قادری
کتاب کا نام :- قبائلۂ بخشش