ہے کوئی جے میرا درد ونڈا دے
ہے کوئی جے میرا درد ونڈا دے
جاندے یار نوں موڑ لیا وے
مِنتاں کیتیاں ترلے لِیتے
ہتھ بنّھ بنّھ کے سجدے کِیتے
پر ماہی نوں ترس نہ آوے
جاندے یار نوں موڑ لیاوے
اوگن ویکھ کے رُس گیا ماہی
پاگیا میں گل غم دی پھاہی
دل پیا خون دے نِیر وگاوے
جاندے یار نوں موڑ لیاوے
لمّی رات جدائی والی
شاں شاں کردی نالے کالی
ماہی باہجوں کھان نوں آوے
جاندے یار نوں موڑ لیا وے
اعظم روندیاں عمر گذاری
نیڑے نیڑے کُوچ تیاری
ویکھاں کد رب یار ملاوے
جاندے یار نوں موڑ لیا وے