جدوں یاد آوے دلدار
جدوں یاد آوے دلدار
دل نوں قرار نہ آوے
اکھاں روون زار و زار
دل نوں قرار نہ آوے
اوس چمن نے کیہہ پھُلنا جہدا دور وسیندا اے مالی
اُس تتڑی نے کی وسنّا جہدا رُس گیا سِر دا والی
کیوں دِتّا ای منوں وسار مینوں طعنے دَئے سنسار
دل نوں قرار نہ آوے
لوکاں بھانیں چانن سانوں سجناں باہجھ ہنیرا
سجناں باہجھ اوچنّاں سادے کس کم چانن تیرا
سانوں اوہدا ای چن درکار سانوں اوسے چن نال پیار
دل نوں قرار نہ آوے
ماہی آجا دونویں بَہہ کے اُجڑی جھوک وسایئے
نہیں تے کدھرے وچ وچھوڑے سکدیاں نہ مرجایئے
ہُن گھر ول موڑ مہار میں من لئی اپنی ھار
دل نوں قرار نہ آوے
میں واری لکھ واری سجناں جے آویں اک واری
تیرے باہجوں اعظؔم دی ہُن کون کرے غم خواری
تیرے درداں دلبر یار ساڈی لُٹ گئی موج بہار
دل نوں قرار نہ آوے