کر کر ہار شنگار وکھائے
کر کر ہار شنگار وکھائے
ڈھول نئیں تک دا میں ول مائے
دل وچہ یاد ہے یار پنل دی
نظر کرے تے ہو جاں پنل وی
رو رو گھڑیاں سال وہائے
ڈھول نئیں تک دا میں ول مائے
یار مٹھل دیاں مٹھیاں گا لیں
سوہنیاں سندر اسدیاں چالیں
دھرتی سو سو سو ناز اٹھائے
ڈھول نہیں تک دا میں ول مائے
سانول دے میں پیریں پئی آں
کر کر منتاں روندی رئی آں
چھڈ کے ٹر گیا دیس پرائے
ڈھول نہیں تک دا میں دل مائے
عشق سجن نے پائیاں بھائیاں
تھی گیا ساڈا حال سودائیاں
کی لیکھاں نے لیکھ لکھائے
ڈھول نہیں تک دا میں ول مائے
نازاں والا یار نیازی
کرم کھلن جے ہو جائے راضی
ہاڑے کیتے ترلے پائے
ڈھول نہیں تک دا میں دل مائے