کنہاں لفظاں نال بیان کراں جو کرم کمایا چنگیاں نے
کنہاں لفظاں نال بیان کراں جو کرم کمایا چنگیاں نے
بریاں توں برا ساں سونہ رب دی مینوں چنگیاں بنایا چنگیاں نے
اغیار میرے دلدار بنے میرے دشمن وی من ٹھار بنے
میرے چنگے چنگے یار بنے مینوں کول بٹھایا چنگیاں نے
کدوں پتہ نشان کی منزل دا کجھ واٹاں لمیاں اوکھیاں سی
در در تے بھٹک دا پھر دا ساں منزل اپڑایا چنگیاں نے
ایہ دیناں نہیں میں دے سکدا کیتا چنگیاں احسان بہت
جنت دل موڑ کے رخ میرا دوزخ توں بچالیا چنگیاں نے
میری گل نہیں پنجے پین دتی کسے شے دی کمی نہیں رہن دتی
ہر اوکھے ویلے کم آئے چنگا ساتھ نبھایا چنگیاں نے
چنگا چنگیاں عمل کمایا اے مینوں اپنا رنگ چڑھایا اے
ایہہ رنگ کدی نئیں لہہ سکدا ایہ رنگ چڑھایا چنگیاں نے
نہ ماضی میرا نہ حال میرا نہ مستقبل دا کوئی پتہ
مینوں کڈھ کے ولاں چوں سونہہ رب دی راہ سیدھے پایا چنگیاں نے
بیٹھیں نہ بریاں کول کدی نہ اچے بولیں بول کدی
رہویں بن کہ نیازی چنگیاں دا ایہو سبق پڑھایا چنگیاں نے