مرے اللہ دا در اللہ اکبر
ہے خُود جُھک جاندا سر الله اكبر
فناء فی اللہ جو انسان ہووے
کدی سکدا نہیں مَر اللہ اکبر
میرا معبود ہے معبود سب دا
ہے کعبہ اوہدا گھر الله اكبر
سند لَا يَحْزَنُوا دی کول جس دے
ہے اوہنوں کاہدا ڈر الله اكبر
خُدا دے خوف تھیں ولیاں دی رہندی
ہمیشہ چشم تر الله اکبر
خُدا دی ذات لئی اے کبریائی
حقیقی کاری گر الله اكبر
اہدے ولوں ہے صائم ایہہ تمامی
جہان خیر و شر الله اكبر
شاعر کا نام :- علامہ صائم چشتی
کتاب کا نام :- کلیات صائم چشتی