واہ سبحان اللہ رب قادر پاک گمان زوالوں
اُس دی حمد ہے اُچی حرفوں جیموں میموں دالوں
چمکن دکن چن ستارے اُس دے نور جمالوں
سورج تپش کھلارے ہر تھاں اسدے رعب جلالوں
جلوے اُس دے ہیں درخشاں تفصیلوں اجمالوں
ظاہر عکس اوسے دا ہووے ہر قالوں ہر حالوں
اُس دی شان مقدس اچُی ہر اک وہم خیالوں
خلق نے کُل کمال نے پائے اُس دے عکس کمالوں
اُس دے راز دے تیک رسائی دسے محال محالوں
اُس دا کرم سوالی اُتے ہندا قبل سوالوں
اُس دیاں صفتاں اُچیاں اعلیٰ علماں عقلاں نالوں
اس دی شان منزہ صائم ہر اک مثل مثالوں
شاعر کا نام :- علامہ صائم چشتی
کتاب کا نام :- کلیات صائم چشتی