تیری خیر ہو وے اے شہنشاہا اج خیر اساں لے جانی ایں
سخیاں دا سخی این محبوبا تیری ہرتھاں تے سلطانی ایں
تیرا دادا ہے ولیاں دا ولی تیرا نانا ہے نبیاں دا نبی
تیرے منگتے سب کجھ جان دے نے سوہنے پنجتن دی توں نشانی ایں
تیرا وسدا رہے پروار پیا تیری کھڑی رہے گلزار پیا
اج آل دا صدقہ بھر کاسے دربار تیرا لاثانی ایں
در لاثانی گھر لاثانی تیرا فیض فیضان وچ لاثانی
تیرے منگتے وی لاثانی نے جیڑے کر دے ثانی ثانی ایں
تیری شان غلامی اک پاسے انہاں نوں نکیراں پچھناں تھیں
تیرے ڈنگراں نوں میرے لاثانی جس جس وی پلایا پانی ایں
نئیں منگدا تاج میں سلطانی بس اک ہے تمنا لاثانی
ترے قدماں دے وچ لنگھ جاوے جیہڑی دو دن دی زندگانی ایں
ایہ سمجھیا یار نیازی اے توں راضی تے جگ راضی اے
اوہدے دو جگ دے دکھ مک جاندے جیہدے گل وچ تیری گانی ایں
شاعر کا نام :- عبدالستار نیازی
کتاب کا نام :- کلیات نیازی