یا حسینؑ آپ کی شہادت تو
لوحِ محفوظ پر عبارت تھی
سر خرو آپؑ تو ہوئے ایسے
رب کعبہ کو جس کی چاہت تھی
یہی مخلوق کو بتانا تھا
کتنی پر نور وہ عبادت تھی
کیا محفوظ جس نے قرآں کو
نو کِ نیزہ پہ وہ تلاوت تھی
ڈگمگائی نہ تھی جو کربل میں
میرے مولاؑ کی وہ امامت تھی
ابتلاؤں میں مبتلا رکھا
دل میں جن کے بہت عداوت تھی
یو نہی لکھا نہیں سلام مجیدؔ
میرے حصے میں یہ سعادت تھی
شاعر کا نام :- عبد المجید چٹھہ
کتاب کا نام :- عکسِ بو تراب