آج آگئی اے یا د مدینے دی مینوں رج رج کے آج رو لین دے
پنجواں نال دفتر عملاں دا منوں مل مل کے آج دھو لین دے
توں جم جم وسدا رہو ایتھے محبوب میرے دیا درباناں
مینوں یار میرے دے در اُتے دو گھڑیاں صرف کھلو لین دے
پھر جو جی چاہوے کرلئیں توں میں ساریاں سختیاں جرلاں گا
ذرا رک جا رب دا واسطہ ای مینوں رو رو کملا ہو لین دے
توں کرلیں جو جی کردا اے ذرا رُک جا جابر تقدیرے
مینوں یار دے گل وچ پاون لئی ہنجواں دے ہار پرولین دے
ذرا ٹھہر طبیبا ناں لاویں اجے ٹانکے میریاں زخماں نوں
اجے یار دے غم نوں سینے وچ ذرا نشتر ہور چبھو لین دے
اجے صائم کھچ ناں سکدا اے تیرا قلم ہجر دیاں تصویراں
فیر تڑپ تڑپ تڑپاویں گا ہو دل دے ٹوٹے دو لین دے
شاعر کا نام :- علامہ صائم چشتی
کتاب کا نام :- کلیات صائم چشتی