لج پال سخی دے در آئیاں اک نظر کرم دی کر سائیاں
اج اپنی آل دا سر صدقہ میری خالی جھولی بھر سائیاں
تیرے ہتھ وچ شرماں لاجاں نے در آملیا محتاجاں نیں
ایڈے بختاور دادر چھڈ کے کسے غیر دے جاں کیوں در سائیاں
نت گیت سخی دے گاواں میں منہ منگیاں مراداں پاواں میں
تیرے گھر چوں خالی کیوں جاواں لج پال ہے تیرا گھر سائیاں
میں نفل پڑھاں شکرانے دے جے گھر آویں دیوانے دے
ارمان نے ایہہ مستانے دے تیرا در ہووے میرا سر سائیاں
مینوں ہر دم تیریاں لوڑاں نے تیرے ہندیاں کاہدیاں تھوڑاں نے
تیرے در دے فقیراں منگیتاں نوں نئیں قبر حشر دا ڈر سائیاں
نئیں لوڑ نیازی شاہواں دی میں منگتی تیریاں راہواں دی
مک چلی بازی ساہواں دی مٹی نوں کر دے زر سائیاں
شاعر کا نام :- عبدالستار نیازی
کتاب کا نام :- کلیات نیازی