آقا نوں مشکل ویلے جہنے پکاریا
موہنے محمد اوہدے بیڑے نوں تاریا
سوہنے دی شان نرالی سجدی اے کملی کالی
سوہنے دی خاطر رب نے جگ نوں سنواریا
ہر دل وچ ڈیرا اوہدا عرشاں تے پھیرا اوہدا
عرشاں نوں رب نے اوہدے قدماں توں واریا
جگ تے سرداری اوہدی ہر تھاں مُختاری اوہدی
کر کے اشارا اوہنے چن نوں اُتاریا
مدنی دیدار خاطر کُھلا اوہ یار خاطر
ازلاں توں بوہا جیہڑا رب نے سی ماریا
در تے جبریل سی آیا رب دا پیغام لیایا
عرشاں تے آجا چھیتی عرشاں دے تاریا
صائم دے درد مُکاویں رحمت دا مینہ برساویں
الله دا ناں ای آویں اللہ دے پیاریا
شاعر کا نام :- علامہ صائم چشتی
کتاب کا نام :- کلیات صائم چشتی