جدائی دل نوں تڑپاوے تے روواں
مدینہ یاد آجاوے تے روواں
مدینے دی ہوا گھل کے مرے ول
کرم محبوب فرماوے تے روواں
زیارت گنبد خضری دی کر کے
کوئی جد قافلہ آوے تے روواں
مدینے پاک دے وچوں لیاندی
جے کوئی چیز دکھلاوے تے روواں
گناہواں تے خطاواں توں جدوں دل
ندامت نال شرماوے تے روواں
خیال گنبد خضری چ دُبیاں
کوئی گلاں دے وچ لاوے تے روواں
نبی دی نعت صائم لکھن ویلے
اییی دل ظالم جے گھبراوے تے روواں
شاعر کا نام :- علامہ صائم چشتی
کتاب کا نام :- کلیات صائم چشتی